Tindra er blitt ein del av Linja
PRESSEMELDING LINJA AS 9. NOVEMBER 2023
Tindra er blitt ein del av Linja
Tindra Nett har blitt ein del av Linja og straumnettet i Stranda kommune som også omfattar Hellesylt, Liabygda og Geiranger. Styra i Linja og Tindra Nett har vedteke fusjonsplan for samanslåing. I første omgang er Tindra Nett blitt eit dotterselskap av Linja, og etter ein periode med formelle prosessar vil Tindra og Linja bli fusjonert -rett over nyttår.
- Vi gler oss til å få Stranda og deira tilsette med på Linja-laget , seier Rune Kiperberg som er adm. dir i Linja og styreleiar i Tindra Nett.
Med dette får Linja 10 nye medarbeidarar og om lag 3.750 nye nettkundar.
Kritisk infrastruktur og beredskap
Samfunnsutvikling, grønt skifte og elektrifisering er ord vi ofte høyrer i media. Men ikkje alle tenkjer over det må vere tilstrekkeleg straumnett og nok kraft for at vi skal kunne nå klimamåla og utvikle samfunnet.
- Vi er glad for å kome inn i eit sterkt kompetansemiljø. Dette vil styrke utvikling i samfunnet og gi oss ein enda betre beredskap. Alt i alt er det svært positivt for både oss tilsette, og innbyggjarane i Stranda kommune, seier Dag Ronald Sylte, tillitsvald i Tindra.
- Linja er eitt av dei størte nettselskapa i landet og dette er med på å sikre utviklinga av forsyningsnettet i Tindra sitt område for framtida, og bidra til ei god samfunnsmessig utvikling og drift av ein av dei viktigaste infrastrukturane i samfunnet, seier Arve Hovdenak, dagleg leiar Tindra Nett
Fakta om Linja:
- Fjerde største nettselskapet i landet
- Omlag 102.000 kundar
- Regionalnett i 27 kommunar frå Sognefjorden til Romsdalsfjorden
- Distribusjonsnett i 20 kommunar
- 310 tilsette
- Totalkapital på om lag 6,5 mrd
For meir informasjon, kontakt:
Rune Kiperberg, administrerande direktør i Linja og styreleiar i Tindra Nett / 911 85 786
Atle Isaksen, viseadministrerande direktør i Linja og styremedlem i Tindra Nett / 952 56 457
Arve Hovdenak, dagleg leiar i Tindra Nett / 917 32 223