Karriere
Straumen er livsnerven for kvardagsliv og næringsliv frå Askvoll i sør til Ålesund i nord. Det er dei tilsette som driv, tek vare på og utviklar denne sentrale infrastrukturen for framtida.
Du kan vere med på den grøne omstillinga i eit miljø som kvar dag arbeider for at du skal vere trygg på arbeid i eit godt kollegium. Vi deler Fornybar Norges mål om at alle skal vere trygge på arbeid og kome friske og glade heim.
Saman med over 300 tilsette på 14 arbeidsstader i Sunnfjord, Nordfjord og på Sunnmøre kan du vere med på å sikre nødvendig infrastruktur for framtida. Hos oss arbeider montørar, sivilingeniørar, fagarbeidarar, ingeniørar, reinhaldarar og administrativt tilsette i lag for å sikre straum til deg og kraft til det nye.
Linja er også ein stad å lære. Vi har cirka 20 lærlingar, er opne for studentar i praksis og sommarjobb, og legg til rette for at våre tilsette lærer og utviklar seg gjennom arbeidslivet. Ta gjerne kontakt med oss for å sjå om det er moglegheiter for deg hos oss.