Linja skal levere straum til alle heimar, hytter og bedrifter i vårt område. Då må det vere nok straum til alle. Det er det ikkje alltid. Derfor må du søke om ny eller meir straum, og vi må planlegge.
Konsesjonsområdet vårt er:
I tillegg er Linja nettutviklingskoordinator i desse kommunane:
I dag er det avgrensa kapasitet i store delar av kommunane Giske, Hareid, Herøy, Sande, Sula, Ulstein, Volda, Ålesund og Ørsta kommunar. Det er også utfordringar i Fjord, Stranda, Stryn, Vanylven og regionalnettet i Vestnes. Det kan også vere utfordringar andre stader i nettet, særleg for større utbyggingar.
Det er litt ulike rutinar etter kor stort straumbehov du har, sjølv om prosessen følgjer dei same stega.
Mindre kundar med tilknyting under 250 A / 100 kW
Ta kontakt direkte med autorisert elinstallatør. For einebustader, hytter og andre mindre prosjekt er det autorisert elinstallatør som søkjer for deg, og tek seg av innmelding om tilknyting.
Store kundar med tilknyting over 250 A / 100 kW
Ved større prosjekt må du bruke skjemaet. Du må melde inn så tidleg som mogleg. Det er mange saker for tida, og du må rekne med saksbehandlingstid på opp til fire månader.
Større kundar med tilknyting over 500 kW / 2 GWh
Då må du leggje fram meir dokumentasjon. Du treng blant anna ei vurdering av mognad (modenhet) for prosjektet. Prosjektet må vere mogen før du får reservere plass i nettet. Sjå meir på Kø, reservasjon og modenhet (fornybarnorge.no).
Svært store kundar med søknader over 5W / 20 GWh
Her skal søknadene gå til Statnett.
Det er for lite kapasitet i nettet til nye kundar i store delar av Sunnmøre og Stryn. Samtidig aukar behovet for elektrifisering av næringsliv, bilpark og andre delar av kvardagen vår.
Nokre prosjekt blir lagt i kø eller får avslag. Vi har opna for moglegheita for «tilknyting med vilkår». Det betyr at du må tole å bli kopla heilt eller delvis ut ved gitte driftssituasjonar. Det blir laga ei gjensidig avtale mellom Linja og deg som kunde om det.
Saman med Statnett arbeider Linja med tiltak som aukar nettkapasiteten. Målet er at fleire av prosjekta er ferdige i 2028 og 2032.