Endringar i 132 kV nettet i Surnadal

Statnett skal utvide sin stasjon Surna for å styrke nettkapasitet og forsyningstryggleik i regionen. Linja AS skal knyte sitt 132 kV regionalnett opp mot den utvida Statnett-stasjonen, og koordinerer også omlegging av 132 kV leidningsanlegg tilhøyrande Mellom AS og Statkraft Energi AS mot utvida stasjon Surna.

Prosjektet legg til rette for at det eksisterande 132 kV koblingsanlegget på flata utanfor Trollheim kraftverk kan takast ut av drift og rivast.

Status og framdrift (Oppdatert oktober 2026):

Linja heldt grunneigarmøte den 02. juli 2025, i Sagataun Grendahus. Sjå nedst på denne sida for presentasjonar og annan informasjon frå grunneigarmøtet. Linjas standard grunneigaravtale for luftleidningsanlegg er og delt her.

Linja har sidan hausten 2025 arbeidd med konsekvensutgreiing av tiltaket. Linja sende inn konsesjonssøknad til NVE 1. mai 2026. Saka ligg i kø. Tiltaket kan venteleg kome til offentleg høyring i regi av NVE mot slutten av 2026.

For omlegging av 132 kV leidning Ranes - Trollheim til nytt endepunkt i Surna, har Linja søkt om to alternative traseer frå Mauset til Surna; eit alternativ i Røvslia mot Surnadal, og eit alternativ i Gammelseterdalen. Linja meiner at interessemotsetjingane mellom desse to alternativa vert best handtert gjennom ei offentleg høyring og påfølgjande handsamingsprosess i regi av NVE.

Konsekvensutgreidde traseer mellom Ranes (Mauset) og Surna, og mellom Trollheim og Surna, er synte i kartlenke under.

Nyttige lenkjer:

Klikk for digitalt kart over nye traseer

Registreringsskjema for informasjon om dette prosjektet

NVE si informasjonsside for deg som er grunneigar eller vert part i ei nettutbygging