Linja justerer nettleiga frå 1. juli

Høge kraftprisar siste halve året har auka kostnaden vi har til kjøp av straum som går tapt i nettet på vegen fram til deg. Nettleiga går til å dekke kostnadar som dette, og andre kostnadar ved å bygge, drifte og vedlikehalde kraftnettet.

Nettleie

Prisutvikling  (øre/kWh inkl. mva) siste 12 mnd i prisområde Midt (kjelde: Nord Pool)

- Vi har ikkje sett slike prisar over så lang tid i vårt prisområde tidlegare, og det er usikkert kor lenge dei vil halde seg på dette nivået, seier administrerande direktør i Linja, Helge Robert Midtbø. Han legg til at dette kjem på toppen av høgre prisar på materiell og entreprenørtjenester til bygging og vedlikehald av kraftnettet.

Nettleiga vart sist justert opp for to år sidan. Etter justeringa får ein gjennomsnittskunde ei auke på ca. 35 kr månaden samanlikna med første halvår i år. Du kan påverke kostnaden ved å jamne ut forbruket gjennom døgnet. Dersom du har elbil, kan du f.eks. lade denne sakte på natta, då er prisen på energileddet 10 øre rimelegare.

Ønskjer du å snakke med oss om dette, ta kontakt med kundesenteret vårt. Våre opningstider er måndag til fredag 9-15.

Du kan lese meir og sjå prisar her.